الدمعة

كنت اظن هالدمعة اللي وسط عيني

وانت رايح جت معايا تودعك

لين طاحت مني كلها ما تبيني

من غلاتك ودها ترحل معك

هذا قلبي هذي عيني ذي سنيني

ما يبونك ترحل وكيف أقنعك

حتى روحي واقفة بينك وبيني

لا هي عندي ولا هي تقدر تمنعك

خذتني كلي انا وش باقي فيني

خايف أوقف وألقى ظلي يتبعك

روح وسافر بس طلبتك يا ضنيني

عالأقل لو ما أشوفك أسمعك

روح وسافر بس توعدني تجيني

وانت سالم للي ينطر مرجعك

اما عني روح ولي رب يعيني

والله يعلم كيف حال مودعك

صرت أحسد من كثر شوقي وحنيني

حتى هذا الخاتم اللي فاصبعك

صعب المنال معجب بهذا

موضوع رائع ومجهود جميل
شكرا لكم

رائع ماتقدموه من ابداع جميل
ننتظر المزيد منكم
لكم مودتي

هنا الإبداع يتوهج كالشموع
حين تصوغه أنامل ترسم التميز
لتلون اشراقة من جمال الطرح وعذوبة
الانتقاء
سلمت الأيادي دمتم
ودام نبض العطاء
منكم ينابيعا تسقي أرقة المنتدى
لتحفر لوحة من البهاء
لكم مني خالص الود والتقديـــر