روائع الشعر العراقي/كاظم اسماعيل كاطع/أريد أبجي إعله صدرك مشتهي النوح

بسم الله الرحمن الرحيم اللهم صل على محمد وعلى آله وصحبه أجمعين

أريد أبجي إعله صدرك مشتهي النوح
و أريـد أكَعد إكَبـالك وأحسب إجروح
ومثل الطير من يودٌع الروح
جاي أركَص إبابك ركَص مذبوح!!
إهي كسرة عظم ماتجبــَر بيوم!!
ولا دورة سنه وآثارها تروح
كِسروا واهسي وخلوٌنــي مالوم
وخايف عله عيوني بالبجي إتروح
كنت آمر وأنهي وصاحب الراي
يوم أييـــدي طويله وجيلتي إتلوح
أريــد أبجي إعله صدرك مشتهي النوح
وأريد أكَعد إكَبــالك وأحسب إجروح
أريد أركي أعله صدرك راس تعبــان
وأسولف عن عذابي وغربة الروح
جاي أنزع إبجـَفٌك سهم الأصحاب
تبروا من طحت عافوني مطروح
سحكَوا فوكَ راسي وجرهم الخوف
ونزلو للوحَلْ من عالي السطوح
ويوم إلليٌ شفتهم وكَعو إبٌيـــر
نزلت وساعدتهم وآنـــه مطروح
ويوم إللٌي شفتهم نزفو إهــواي
كَمت إنطيت دم واحلبت الجروح
أريد أبجي إعله صدرك مشتهي النوح
وأريد أكَعد إكَبالك واحسب إجروح

رهف معجب بهذا

بارك الله فيك ع موضوعك القيم والمميز
وبانتظار جديدك القادم
ارق التحايا لك

ناطق العبيدي معجب بهذا

سلمت أناملك على الطرح المميّز

ويعطيك العافية على المجهود المبذول

ما ننحرم من فيض عطائك وإبداعك

لك تحياتي وفائق شكري

ولك كل الود

ناطق العبيدي معجب بهذا

رائع
سلم الذوق والاختيار
تسلم الايادي على ماتختار من روائع الكلم

ناطق العبيدي معجب بهذا

جزاكم ألله خيرا...ولكم من الحسنات العدد الأوفر لطهارة حبركم...ونبل قلوبكم
عطرتم المكان...وزاد بكم إبداعا آخر
لكم سلامي و تحيتي