من اقوال ستي

من أقوال ستى

* قالت ستى* ...
خايفة أهزك يا غربالى .. يُقَع منك كل عزيز وغالى

* قالت ستى* ...
إللى يعاتب الرخيص بيرخص معاه

* قالت ستى* ...
إللى فى قلبى على لسانى .. وإللى مش عاجبه ينسانى

* قالت ستى* ...
مش كل الورد اتخلق للشم .. ولا كل البشر ينفدى بالدم

* قالت ستى* ...
لا تضرب ولا تعمق فى الجرح .. ما بعد العداوة إلا الصلح

* قالت ستى* ...
ناس جم ناموا عندنا ليلة .. فكروا بقى حالهم من العيلة

* قالت ستى* ...
بنت الأصل.. تخلي كوخها قصر

* قالت ستى* ...
ربنا يخللى لنا عقولنا .. لغاية ما نوصل لقبورنا

* قالت ستى* ...
ما بقاش فى حد صالح .. كل الناس بقت مصالح

* قالت ستى* ...
ناس من لحمك ودمك بايعينك .. ماتلومش بقى على
اللى لسه امبارح عارفينك

* قالت ستى* ...
مش كل إللى بيحكى فهيم .. ولا كل إللى بيسكت بهيم

* قالت ستى* ...
دروس الحياة مش ببلاش .. دافعين ثمنها من عمرنا كاش

* قالت ستى* ...
كله ماشى بألف وش .. والقلوب مليانة غش

* قالت ستى* ...
ربنا يكفينا شر من رحب بينا وهللا .. ومن ورانا حكي علينا
وما خللا

* قالت ستى* ...
اشكى لربك ونام .. ولا تشكى لبنى آدم وتتهان

* قالت ستى* ...
الدنيا فى الضيق توريك .. مين بيبيعك، ومين بيشتريك

* قالت ستى* ...
شيل الريحانة وشمها .. وخذ البنت على ريحة أمها

مع تحيات ستى

تسلم الايادي
الله لايحرمنا جديدك وابداعك,,
كل الشكر لك
لك تقديري واحترامي

يسلمو على روعة طرحك
بارك الله فيك

بارك الله فيك ع موضوعك القيم والمميز
وبانتظار جديدك القادم
ارق التحايا لك