من سنة جالي شخص
من سنة جالي شخص قالي أنا الديون المعنوية اللي ليا عند أخويا المتوفي، كفيلة إنها تدخله جهنم.
بعد ما سمعت منه، قولتله عندك حق.. بس سامحه عشان هو في دار الحق، قالي مش قادر وحاولت برضه مش قادر.
قالي: قبل صلاة الجنازة عليه، في واحد طلع وخطب في الناس " لو المتوفي مديون لحد بفلوس يبلغ عشان نسددها، ساعتها كان نفسي الخطيب يقول" لو المتوفي مديون لحد بدين معنوي يبلغ، يمكن الدائن يسامح"، قالها وهو بيبكي بكاء مرير.
الديون المعنوية والنفسية صعبة يا جماعة ، اللي بيموت وعليه دين معنوي، وظلم، وكلام جارح قاله لحد، وتدميره من جوه، ماحدش بينساه بسهولة، قبل ما تموتوا اتخلصوا من ديونكم النفسية مع الغير.
زمان قالوا الإنسان سيرة، ماعتقدش إنه في حد عاقل يعمل مصايب معنوية ونفسية مع حد تخلي الحد ده يتحسبن عليه طول ما سيرته تيجي.. شعور صعب جدا.
يا كل غشيم يا كل سليط اللسان يا كل فظ الطباع يا كل طماع انتبه الديون المعنوية لن تجعلك تهنأ بأي شيء.
سهلوا الحياة على بعض، أجبروا بخاطر بعض، لإن الحياة قصيرة والدنيا حقيقي دوراة.،،،
((يا ليت قومي يعلمون ))
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
|
عضويتي 
عضويتي 
العرض العادي
